Мал уникатен апетизер

domashna-slanina-krastavica1

Потребно ви е:
– Домашна сланина чадена на буково дрво
– Свежа краставица
– Крем сир
– Маслиново масло
– Лимонов сок
– Зачини (оригано, лук во прав)

Приготвување:
Краставицата се сече на парчиња од 4 cm. Се вади внатрешниот дел од краставицата, за да се направи простор во кој ќе може да се смести сосот. Во маслиново масло се пржи кромидот и сланината. Се додава крем сирот, зачини по вкус и малку лимонов сок. Со вака подготвената смеса се полнат чашките од краставица.За помалку од 10 минути имате свежо, вкусно и декоративно изненадување за вашите најмили.

domashna-slanina-krastavica2
Bon Appetit!
 

Фини Мини солени Мафини

shunka-proja

Потребно ви е:
– Шунка деликатес Косиљак
– Пченкарно брашно (1 чаша)
– Пченично брашно (1 чаша)
– Јогурт или Кисела вода (1 чаша)
– Масло за јадење (1 чаша)
– Прашок за пециво x1
– Јајца x3
– Сирење

Јајцата се матат со малку сол. Потоа се додава јогуртот, маслото за јадење и двата вида на брашно заедно со прашокот за пециво. На крај се додава исецканата шунка и здробеното сирење. Со вака изматената смеса се полнат модлите и се ставаат во рерна да се печат околу 30 минути. За декорација можете да направите сос од ситно сецкани краставички, мајонез и павлака.

shunka-proja2

Bon Appetit!


Полнети тиквички со Свински врат чаден на буково дрво

tikvichki-vrat
Потребно ви е:

– Свински врат димен на буково дрво
– Тиквици
– Јајце х1
– Рендан морков
– Лажици путер х2
– Мал кромид х1
– Рендан кашкавал
– Бибер
– Сол

Загрејте ја рерната на 200 степени. Пресечете ги тиквиците на половина, по должина. Со лажица издлабете ја внатрешноста на тиквиците и одстранете го семето. Во еден сад изматете го јајцето. Потоа ситно исецкајте го свинскиот врат и кромидот, изрендајте го морковот и сите овие состојки заедно со путерот, измешајте ги заедно со јајцето. Зачинете со бибер и сол. Поделете ја смесата на толку делови, во зависнот од тоа колку тиквички имате и наполнете ги истите. Наредете ги тиквиците во плех за печење и покријте ги со фолија. Печете ги 10 минути во загреана рерна. Потоа отстранете ја фолијата и печете ги уште 20 минути. На крај врз секоја тиквица додадете половина лажица рендан кашкавал и вратете ги во рерна уште 2-3 минути за да се растопи. Послужете ги топли.

tikvichki-vrat2

Bon Appetit!


Пица со моцарела и Домашна сланина чадена на буково дрво

pizza1

Потребни состојки:
– Тесто за пица (можете сами да си го замесите или пак да си купите готово тесто)
– Домашна сланина димена на буково дрво Косиљак
– Моцарела
– Домати
– Песто сос

Премачкајте го тавчето за печење со малку масло. Земете дел од тестото во форма на топка, ставете го во центарот на тавчето за печење и со прстите, полека, растегнувајте го од центарот кон страните на тавчето. Потоа, премачкајте го тестото со кечап, а врз него распоредете ги исецканите парчиња моцарела. Врз секое парче моцарела ставете песто сос.

pizza2
На крај се реди домашната сланина и доматите исецкани на кругови и се зачинува со сол, оригано и босилок. Доколку сакате, можете да додадете и кромид, исто така исецкан на тенки кругови. Пред да ја ставите пицата да се пече, рерната треба да е загреана на 200 степени. Печете 15 минути.

pizza3
Добар апетит!


Пилешко со црвен сос

slanina-recept1

Потребно ви е:
– Домашна сланина Косиљак
– Пилешки стек 1 кг.
– Моркови 1/2 кг.
– Пиперки х2
– Кромид х1
– Кашкавал 100 гр.
– Доматен сос
– Сенф

Исецкајте го стекот на коцки, посолете го со вегета и ставете го да се пржи додека не зарумени. Додајде ја домашната сланина исецкана на ситни коцкички да се пржи заедно со стекот. Потоа додадете малку вода за да се издинста месото. На крај се ставаат тенки парчиња кашкавал, да се растопат врз месото и да биде уште посочно. За сосот, најпрвин се пржи исецканиот кромид, потоа се додава исецканата пиперка, па изренданиот морков, малку сенф и доматен сос. Откако сосот е готов, на крај се додава кашкавалот за да ја соедини смесата. Како прилог можете да направите пире.

slanina-recept2


Солен Ролат

shunka-delikats-recept-1

Потребно ви е:
– Шунка Деликатес Косиљак
– Кашкавал
– Кисели краставички
– Морков
– Јајца
– Мајонез
– Брашно
– Прашок за пециво
– Сол

Се матат 8 јајца. Во нив се додаваат 4 лажици брашно, малку сол и малку прашок за пециво. Вака подготвената смеса се става да се пече во тавче подмачкано со зејтин. Откако ќе се испече кората, се става во влажна крпа. Потоа, внатрешната страна на кората се премачкува со мајонез, а одозгора се додаваат претходно изренданите 150 гр. шунка, 150 гр. кашкавал, 150 гр. кисели краставички, 150 гр. варен морков. Се витка ролатот, а одозгора може да се премачка со мајонез и да се наренда кашкавал.

shunka-delikats-recept-2

Bon Appetit!